Páskalingur laus til umsóknar

07. apríl 2004 | 0 aths.

Aldrei þessu vant verð ég í borginni í páskafríinu og það án þess að hafa stífa dagskrá. Ætla þess í stað að dunda mér aðeins heima við í margvíslegu stússi sem setið hefur á hakanum undanfarið og slaka örlítið á millum dugnaðarkasta.

Hafi einhver lesenda áhuga á að kíkja í heimsókn á næstu dögum eða fá mig heimsendan á sérstöku tilboði, er bara að hafa samband í emil eða síma.

Nú fer hver að verða síðastur að sjá Sirkusinn, þriðja síðasta sýning verður sýnd í kvöld. Þá verður sérleg afmælissýning 14. apríl og lokasýning 17. apríl. Allir sem hafa gaman af græskulausu gamni ættu að hafa gaman af þessu gamni, eða þannig sko...

Tossalisti næstu daga:

• Taka til í vinnuherberginu/skrifstofunni/ruslahaugnum
• Leysa nokkur vandamál með vefumsjónarkerfi GSK
• Virkja RSS lista fyrir thorarinn.com
• Flokka gömul föt til að skila í Sorpu
• Skrifa bréf
• Lesa í LOTR
• Lesa í DWWS
• Venja mig af óskiljanlegum skammstöfunum
• Hanna nýtt lúkk á thorarinn.com
• Vera duglegur að heimsækja fólk
• Finna afsakanir fyrir því að gera bara það af þessum lista sem mér finnst skemmtilegt

Svo kemur í ljós hvað af þessu ég stend við.