Enn einn nágranni fundinn
31. október 2004 | 0 aths.
Á fredagsbarnum síðastliðinn föstudag komst ég að því að Rasmus, sem ég kynntist aðeins fyrsta daginn í skólanum þegar við tveir vorum látnir kynna hvorn annan fyrir hópnum, er nágranni minn. Eftir barinn vorum við því samferða heim á leið, keyptum okkur kvöldsnarl og snæddum heima hjá honum.
Sú ritstjórnarlega ákvörðun hefur verið tekin að héðan í frá verður Øresund þýtt sem Eyrnasund (í stað Aurasunds). Með því fylgir að kollegíið í bakgarðinum hjá mér kallast nú Eyrnasundskollegíið eða bara Eyrnakollegí.
Eins og glöggir lesendur hafa eflaust kveikt á býr umræddur Rasmus einmitt á réttíþessunefndu Eyrnakollegí. Við sátum í góðu yfirlæti fram eftir kveldi, sötruðum öl og ræddum um heima og geima. Aðallega töluðum við þó um fjölskyldukúltúr, tónlist og heimska kana.
Fínn strákur, Rasmus.
Útrætt mál
Lokað er fyrir athugasemdir eftir 30 daga.
Comments are closed for this entry