thorarinn.com

Splunkunýr vefur í loftið

16. september 2005 | 0 aths.

Þá er ég búinn að leggja lokahönd á lítinn vef fyrir lögfræðistofuna Acta. Útlit og uppsetning var alfarið í mínum höndum, byggt á fyrirliggjandi lógó- og ímyndarhönnun fyrirtækisins. Vefurinn er búinn að vera í pípunum með löngum hléum í um hálft ár og það er áhugavert að fylgjast með hvernig útlitið þróaðist og slípaðist - sér í lagi eftir að ég var búinn að taka áfangann í grafískri hönnun og kom aftur að útlinu eftir töluvert hlé. Eftir þá yfirferð gerbreyttist vefurinn til hins betra.

Kannski ég skelli upp þróunarsögunni í mynndum hérna við tækifæri, hef ekki tíma til þess í augnablikinu...

Þetta er svona dæmigert-maður-þekkir-mann-sem-þekkir-verkefni, þótt reyndar sé upphaflegi tengiliður minn við stofuna ekki lengur starfandi þar. Eins og áður segir hefur það verið lengi í vinnslu, en ég er þokkalega ánægður með útlitslegan afrakstur.

Fyrir kunnuga má þess geta að lógóhönnuðurinn heitir Elísabet Jónsdóttir og er bekkjarsystir Ella bróður úr MA (einnig þekkt sem Beta Gauks).

Skreytimyndin á vængnum kemur úr myndabankanum góða sxc.hu.

Því miður tókst mér ekki að setja upp .htaccess skrá til að gera vefslóðirnar snyrtilegri. Skrá sem ég hafði sett upp og prófað á "mínum eigin" vefþjóni fokkaði öllu upp þegar hún var sett upp hjá Símanum.