Er ég fimmhyrningur?

15. júní 2008 | 1 aths.

Tæpu ári eftir að ég birti síðast lógópælingar fyrir nýjan thorarinn.com vef hefur ekki mikið gerst. Sama gamla útlitið blasir enn við gestum og ég að verða afhuga þeim hugmyndum sem ég var með í kollinum á þeim tíma.

Ég er enn skotinn í því að taka upp Helvetica í titlinum. Ég hallast samt meira að því að hafa letrið í normal stafabreidd:

Frekar en condensed útgáfunni sem ég setti saman síðasta sumar:

Og hringlaga lógó eru náttúrulega bara gamaldags, jafnvel þótt maður reyni að poppa þau upp með því að teygja þau svolítið til:

Þannig að núna er ég að spá í fimmhyrninga (en er enn pikkfastur í gömlu hugmyndinni um "inverse" lógó):

(Glöggir lesendur sjá kannski að þarna er þornið í Helvetica og þar með í betri stíl við titilinn.)

Hvort þetta er meira innblásið af klassíska súperman lógóinu, eða merkinu á búningum Hollenska landsliðsins á EM skal ósagt látið.

Verst að þetta passar ekkert sérlega vel við þau minimalísku útlitsdrög sem ég er að berja saman, en það er kannski aukaatriði.

En aðalspurningin er auðvitað hvort ég mun skrifa þriðja svona póstinn næsta sumar, eða hvort ég verð jafnvel búinn að drusla einhverjum breytingum upp.