thorarinn.com

Ekkert gabb 2009

01. apríl 2009 | 2 aths.

Undanfarin ár hef ég árlega sett upp aprílgabb hér á vefnum, oft nokkuð margslungin.

Eftir að hafa velt því fyrir mér hvað ég ætti að gera í ár (og fengið nokkrar ómótaðar hugmyndir) ákvað ég að láta gabbið eiga sig í ár, enda þarf ég að vera duglegri að skrifa færslur til að keyra upp umferðina áður en brestur á með gabbi. Það er hreinlega of augljóst ef eina færsla ársfjórðungsins er 1. apríl og enginn sem tekur eftir því ef ég breyti eitthvað forsíðunni.

Í alls ótengdum fréttum tókst mér að slíta krossbönd í hné í fótboltanum í gær. Ég fékk skutl upp á slysó og læknirinn sem sinnti mér þar var á því að það væri a.m.k. hálft ár í að ég gæti beitt mér að fullu í Vasaæfingum. Hálft ár sem ég má ekki við því að missa í skíða- og þrekæfingum.

Þar sem það væri synd að láta skráningargjaldið fara til spillis er planið núna að Alex gangi í minn stað með þeim bræðrum mínum. Hún er mjög áhugasöm og við erum búin að vera að skoða búnaðinn. Hún getur líklega æft sig á skíðunum hans Nonna (þótt þau séu í lengsta lagi), en skíðaskórnir eru 10 númerum of stórir og stafirnir hærri en hún.

Ef einhver lumar á gönguskíðaskóm í stærð 35 og keppnisstöfum sem eru 130 cm á hæð má endilega hafa samband við mig í netfanginu thorarinn hjá thorarinn.com

Uppfært: Auðvitað er þetta lygi, ég er vel sprækur.

Yfirlit yfir gömul göbb:

• Aprílgabbið 2008
• Aprílgabbið 2007
• Aprílgabbið 2006
• Aprílgabbið 2005
• Aprílgabbið 2004