Gúdd ívníng Æsland, þis is Rössja spíking
03. febrúar 2004 | 0 aths.
Rússneski hnífakastarinn leggur hönd á lyklaborð eftir nokkuð hlé. Lítið hefur verið um hlé á leikæfingunum (en verður þó a.m.k. eitt slíkt á hverri sýningu þegar þar að kemur).
thorarinn.com
My (Icelandic) diary
febrúar 2004 - færslur
Súngið í skóginum
10. febrúar 2004 | 0 aths.
Hafi ég ekki tekið það fram áður þá er verkið sem Hugleikur er að æfa núna (og ég með) gamanleikur með söngvum. Því fylgir óhjákvæmilega þetta með söngvana og í tilefni þess var haldin söngæfing síðastliðinn laugardag. Þeim lesendum sem þekkja til sönghæfileika minna (eða skorts þar á) til hrellingar uppljóstrast hér með að ég ljái rödd mína í 4 sönglögum!
Bráðabirgðalagfæring til léttingar
11. febrúar 2004 | 0 aths.
Eftir síðustu viðbætur var forsíðan mín orðin um 290K með myndum. Það er náttúrulega ekki, ekki, ekki, ekki þolandi.
Bréf til þáttarins
12. febrúar 2004 | 0 aths.
Þættinum hefur borist bréf frá dyggum hlustanda lesanda. Í bréfinu bendir bréfritari, sem er að norðan, á að bagalegt sé að ekki skuli vera virkur tengill á netfang undirritaðs hér á þessum vef.
Einnig bendir bréfritari á að undirritaður standi sig illa í stykkinu varðandi kynningar á leikriti því sem æft er, því þótt títtnefnt sé hafi enn ekki komið fram nafn þess.
Klámhundar og róbótar tíðir gestir
13. febrúar 2004 | 0 aths.
Við flutninginn á hýsingunni yfir til lunarpages.com fékk ég aðgang að ítarlegum skráningum og greiningum á umferð. Nú rúmum mánuði síðar er komið marktækt úrtak og verður þessi sjálfhverfa færsla því helguð tölfræði heimsókna á vefinn.
Stund millum stríða
17. febrúar 2004 | 0 aths.
Þá er farið að grilla í frumsýningarhelgina (frumsýnt verður 28. febrúar) og við komin í Tjarnarbíó með okkar hafurtask.
Dansandi og syngjandi efnafræðingsgrey
19. febrúar 2004 | 0 aths.
Detta mér nú allar dauðar lýs, sín á hvora öxl... Ekki nóg með að mér sé ætlað að syngja fjögur lög á títtnefndri leiksýningu, heldur fór æfingin í gærkvöldi að stórum hluta í kóreógrafíu, þ.e. að æfa "danshreyfingar".
Takandi tönn og kafinn önnum
24. febrúar 2004 | 0 aths.
Þá fer að nálgast frumsýningu, 3 æfingar til stefnu og svo generalprufa á föstudaginn. Eins og vera ber tekur sýningin stórstígum framförum hjá okkur þessa dagana. Sviðsmyndin er orðin svotil klár og æfingin í gær fór að miklu leyti í að æfa skiptingar á milli atriða. Það er þó enn fjölmargt sem er ógert og hnífakastarinn er til dæmis ekki kominn með hníf, en treystir á að því verði bjargað fyrir frumsýningu.
Óskammfeilið leikhúsplögg
26. febrúar 2004 | 0 aths.
Enn skal sýningin plögguð, enda geri ég ráð fyrir að einhverjir lesenda hafi hug á að bregða sér í leikhús og sjá sýningu sem er alveg bráðskemmtileg (algerlega óháð minni þátttöku í henni).
Innkoma ársins
27. febrúar 2004 | 0 aths.
Generalprufa á Sirkusnum verður í kvöld og því telst æfing gærdagsins hafa verið lokaæfing. Hún gekk eftir því sem ég best veit ágætlega. Að vísu reyndi ég að haga mér eins og maður mun gera á alvöru sýningum og hélt mig því mest baksviðs og sá ekki allt sem fram fór á sviðinu, eitthvað var um textahik, en það held ég að sé normal þegar komin er smá þreyta í mannskapinn án þess að endurgjöf frá áhorfendum sé komin til að vega hana upp. Með öðrum orðum verður þetta örugglega betra með áhorfendum í kvöld.