thorarinn.com

Stílblað dauðans

28. apríl 2005 | 0 aths.

Nú sit ég sveittur við að reyna að hemja Word skjal og fá það til að líta út nokkurn vegin eins og ég vil. Gallinn er að það var búið til í hópvinnu og virðist hafa sogað upp allar mögulegar og ómögulegar stílskilgreiningar á tölvum allra í hópnum. Fyrir vikið er stílsúpan ótrúleg og ég hef þá tilgátu að það sé ástæðan fyrir merkilegum atburðum.

Ef ég til dæmis miðjuset eina línu verður allt í einu allt skjalið miðjujafnað. Footnotes á fyrstu síðunum eru allt í einu komin með 5cm bil á undan sér og ég ræð ekki neitt við neitt.

Næsta skref verður trúlega; Select All, Copy, New, Paste Special -> Unformatted Text. Og fara svo handvirkt í gegnum allan lortinn.

Ekki það sem ég nenni að standa í núna, en það er þó skárra en að lenda í þessu um hábjartan dag heldur en einhvern tíman í nótt.

Annars er bjartsýni almennt nokkur, góðar líkur á að það náist að prenta allt draslið út fyrir svefninn. (Sem er auðvitað mjög sveigjanleg tímaskilgreining.)

Uppfært: Mér tókst að grafa upp eldri útgáfu og með 100% molbúavinnubrögðum (að breyta línubili í nokkurn vegin hverri einustu málsgrein handvirkt) tókst að fá skjalið í þokkalegt horf. Ég er meðvitaður um takmarkaða þekkingu mína á Word-stílsniðum, en má ég þá heldur biðja um CSS heldur en þetta helvíti!

En nú eru 4 eintök farin í prentarann. Teningunum er kastað og bara tvö verkefni eftir.