thorarinn.com

Öryrkjavagn á Laugarveginum

20. febrúar 2007 | 1 aths.

Ekki veit ég hvort til er opinbert heiti á svona gripum, en það sem ég kalla öryrkjavagn er eins konar millistig milli þess að vera rafmagnshjólastóll og rafknúin skellinaðra.

Þeir þeyttust um á svona græjum öryrkjarnir í danaveldi (og ekki endilega allir alltaf bláedrú). En eins og einhvern íslíngurinn benti mér á sá maður næstum eingöngu lifrarpylsulita Dani á svona tryllitækjum, íbúar dekkri á hörund virtust þurfa að gjökta á tveimur jafnfljótum.

Það var ekki síður heimilislegt að sjá að öryrkjavagninn stóð mannlaus utan við spilakassastaðinn Mónakó á Laugarveginum.

Greinilegt að menn hér eru ekki orðnir jafn þróaðir og á hverfisbarnum mínum á Amagri, þar sem voru hjólastólavænar sjálfvirkar rennihurðir - mikið notaðar.